Bello comme o sô (anche se ceuve)

Stamattin son sciortio fito da-o me scito,
gh’ea un bello sô, manco ‘na nuvia aloa me son dito: “veuggio vive a çittæ, fame un gio à pê,
respiâ, staggo tròppo ben pe andâ à loâ”.
Ti ô sæ, che tròppe vòtte questo stress
o te vëgne apreuvo o veu stâ inta teu vitta,
no ti gh’æ tempo pe tiâ sciù a testa, o te mette sprescia
e o te fa andâ comme ‘na lippa. Oua basta, piggio ‘na slerfa de figassa, gh’è o sô ch’o me baxa, o mâ che o me abbrassa.
Che pró figgeu!
Andâ cianin comme ‘na lumassa.
Perchè ancheu ti peu troâ a teu dimenscion, a teu dimenscion
E a no l’è çerto quella de restâ serrou inte ‘na prixon, inte ‘na prixon.
Rit. Dove ti cori? Fermite un segondo, ammiite un pò intorno,
o mondo o gia e o no se ferma,
e ancheu a peu ëse ‘na scoverta. Dove ti cori? Fermite un segundo. ammiite un pò intorno,
ancheu me vëgne da rie
saià che o sô o l’e dentro de mie! Bello comme o sô, be-bello comme o sô, ancheu, ancheu, o l’e bello comme o sô Bello comme o sôôôô…anche se ceuve…
Che piaxei respiâ quest’äia de mâ,
comme semmo fortunæ!
ancheu no gh’ò coæ de mogognâ,
son tutto piggiou à ammiâ questa cittæ!
Ch’a l’e belliscima,
ancon de ciù quande t’ê sensa magagne, gh’orrievan ciù palanche,
o scceuppa un tubbo de l’ægua un giorno scì e l’atro anche… Comme a l’ea a vitta primma de whatsapp? Primma de-e chat, primma de facebook e queste app? No ô sò figgeu… ma ancheu,
…veuggio smortâ o smartphone,
E me sento megio de vòtte ghe veu ‘na tregua…
Eo coscì ottimista son sciortio sensa o pægua!
Ma no me impòrta, peu anche ciuvî,
se a vegnià a gragnoa a saià giasso into mæ drink. Cin cin!
Rit.
Bello comme o sô, be-bello comme o sô, ancheu, ancheu, o l’e bello comme o sô Bello comme o sôôôôôô…anche se ceuve…
E se a vëgne a gragnoa a saià giasso into mæ drink E ti donde ti cori? Fermite un pò chì.
Rit.

Traduzione

Sta mattina son uscito presto da casa mia,
c’era un bel sole, manco una nuvola allora mi son detto:
“voglio vivere la città, mi faccio un giro a piedi,
respirare, stare troppo bene per andare a lavorare”.
Lo sai, che troppe volte questo stress
ti segue vuol stare nella tua vita,
non ti da tempo per tirar su la testa, ti mette fretta
e ti fa andar veloce. Ora basta, prendo una slerfa di focaccia,
c’è il sole che mi bacia, il mare che mi abbraccia.
Che sfizio ragazzi!
Vai piano come una lumaca.
Perché oggi ti puoi trovare la tua dimensione, la tua dimensione.
E non è certo quella di restare chiuso in una prigione, in una prigione.

Rit. Dove corri? Fermati un secondo,
guardati un po’ intorno,
il mondo gira e non si ferma,
e oggi può esser una scoperta.
Dove corri? Fermati un secondo.
Guardarti un po’ intorno,
oggi mi viene da ridere
sarà che il sole è dentro di me!
Bello come il sole, bello come il sole,
oggi, oggi, è bello come il sole
Bello come il sole… anche se piove…

Che piacere respirare quest’aria di mare,
come siamo fortunati!
Oggi non ho voglia di mugugnare,
son tutto preso da ammirare questa città!
Che è bellissima,
ancora di più quando è senza problemi,
occorrebbero più soldi,
scoppia un tubo d’acqua un giorno si e l’altro anche…
Com’era la vita prima di whatsapp?
Prima delle chat, prima di facebook e queste app?
Non lo so ragazzi… ma oggi,
… voglio spegnere lo smartphone,

E mi sento meglio delle volte ci vuole una tregua…
Ero così ottimista, son uscito senza ombrello!
Ma non mi importa, può anche piovere,
se verrà la grandine, sarà ghiaccio nel mio drink. Cin cin!

Rit.
E se viene la grandine sarà ghiaccio nel mio drink
E dove corri? Fermati un pò qui.

Rit.